Mafunzo ya mfumo wa manunuzi

Posted on: September 2nd, 2024

 Na Kibada Ernest- GCO Mlele

Mafunzo ya Mfumo wa Manunuzi kwa Wakuu wa Vitengo na Divisheni wa Halmashauri ya Wilaya ya Mlele kuongeza uwajibikaji wa Kifedha

Katika kuhakikisha usimamizi bora wa fedha  na rasilimali za umma,Kamati ya ulinzi na Usalama ya Wilaya, Wakuu wa Vitengo na Division,Wakuu wa Shule za Sekondari,Walimu Wakuu,Waganga wafawidhi wa Zahanati na vituo vya Maafisa watendaji wa Kata na Vijiji,pamoja  na watoa huduma kwenye vituo vya Afya katika Halmashauri ya  wilaya ya Mlele wamepatiwa mafunzo  ya mfumo wa manunuzi ya umma.

Mafunzo hayo yanalengo la kuwajengea uwezo   kuhusu mfumo wa manunuzi wa kisasa.

Kupitia  mafunzo wanatarajia kuboresha ufanisi na uwazi katika taratibu za manunuzi.Lengo la mafunzo hayo ni kuelewa mfumo wa manunuzi kwa kutoa uelewa wa kina kuhusu mfumo wa manunuzi,taratibu,na sheria zinazohusika.

Lengo lingine  ni kuimalisha uwezo,kwa kuwawezesha wakuu wa vitengo na divisheni kutumia mfumo kwa ufanisi katika usimamizi wa manunuzi.

Lengo lilingine ni kuhakiksha uwajibikaji na kuboresha uwazi na uwajibikaji katika taratibu za manunuzi ili kuepuka matumizi mabaya ya fedha za umma.

Mada za mafunzo ni Muundo wa Mfumo wa Manunuzi,kanuni na sheria za manunuzi,hatua za manunuzi kutoka kwa mipango hadi ya utekelezaji.

Taratibu za manunuzi,uandaji wa mipango ya manunuzi,kutangaza zabuni na mapitio ,uchaguzi wa tathimini ya waandikaji zabuni.

Usimamizi wa Mkataba:Utekelezaji wa mikataba na usimamizi wake,kutatua migogoro inayotokea katika utekelezaji wa mikabati.Mada nyingine ni udhibitinwa Tathmini na utekelezaji wa kanuni za udhibiti wa fedha.na mchakato wa tathmini ya utendaji wa mfumo.

Katika mafunzo hayo mbinu za mafunzo zilizotumika ni mafunzo ya nadharia kwa kutumia wasilisho na nyaraka zinazohusiana,Mafunzo kwa vitendo, Mazoezi ya hatua za manunuzi kwa kutumia mifano halisi.

Mbinu nyingine za mafunzo ni mjadla wa kundi kwa kujadili masuala ya kawaida na cchangamoto zinazokutana katika utekelezaji wa mfumo.

 Kutokana na mafunzo hayo matokeo yanayotarajiwa ni uelewa wa kina,ambapo wakuu wa Vitengo na Divisheni wataweza kuelewa kutumia vizuri mfumo wa manunuzi.Pia wataweza kuboresha utendaji na taratibu za manunuzi zitakuwa na uwazi Zaidi,na usimamizi wa mikataba utaboreshwa.

Matokeo mengine yanayotarajiwa ni kupunguza changamoto zinazohusiana na utaratibu wa manunuzi zitapungua kwa sababu ya ujuzi wa ziada ulioongezwa.

Mafunzo haya ni sehemu muhimu katika kuhakikisha kwamba taratibu za manunuzi zinakamilika kwa ufanisi na kwa kufuata sheria.Ambapo matarajio ni kwamba mafunzo hayo yatasaidia kuboresha utendaji wa Halmashauri za wilaya na kuchangia katika maendeleo ya jamii kwa njia ya uwajibikaji wa Kifedha.

Imeandaliwa na Kibada Ernest Mkuu wa Kitengo cha Mawasiliano Serikalini.

Mwisho.