Mwenge wa uhuru wakamilisha mbio zake Wilaya ya Mlele

Posted on: September 11th, 2024

Na Kibada Ernest GCO-Mlele. Septemba  10,2024

Mwenge wa uhuru wakamilisha mbio zake katika halmashauri ya Wilaya ya Mlele na kukabidhiwa katika halmashauri ya  wilaya ya Nsimbo  iliyoko Wilaya ya Mpanda,kuendelea na mbio zake katika halmashauri hiyo.

Mwenge wa Uhuru ukiwa katika halmashauri ya Wilaya ya Mlele ulikimbizwa umbali wa kilometa 107 katika Kata tano ambazo ni Ilela,Nsenkwa,Utende,Inyonga na Kamsisi na ulitembelea Miradi ya Maendeleo na shughuli mbalimbali za Kijamii.

Ukiwa katika Halmashauri ya Wilaya ya Mlele,Mwenge wa Uhuru ulizindua miradi minne na kuona uendelevu wa Mradi mmoja,ulizindua Klabu ya wapinga Rushwa ya wanafunzi wa Shule ya Sekondari Mlele,Klabu ya kupambana na dawa za kulevya  ya wanafunzi wa Shule ya Sekondari Mlele,

Shughuli nyingine zilizofanyika ni uzinduzi wa Baraza la Vijana la Halmashauri ya Wilaya ya Mlele,na kukagua Miradi ya Maendeleo na Shughuli zote za Mwenge  ambapo thamani ya miradi  hiyo na shughuli zote za Mwenge ilikuwa shilingi bilioni moja na milioni saba Sitini na nane,mia tisa sitini na saba elfu, mia sita sabini na tisa na senti hamsini na mbili sh.1,768,967,679.52

Miradi ya Maendeleo na Shughuli zote za Mwenge wa Uhuru zimezingatia Jumbe za Mwenge,ambazo ni Kuzuia Rushwa ni Jukumu lako na langu,tutimize wajibu wetu,” Jamii iongoze kutokomeza ukimwi” “Lishe sio kujaza tumbo.zingatia unachokula”Ziro Malaria inaanza na mimi_nachukua hatua kuitokomeza” ‘epuka dawa za kulevya,zingatia Utu,boresha huduma za tiba na kinga”

Ujumbe Mkuu wa  Mbio za Mwenge wa Uhuru kwa mwaka 2024 wenye kauli mbiu isemayo “Tunza Mazingira na Shiriki Uchaguzi wa Serikali za Mitaa kwa ujenzi wa Taifa endelevu.

Miradi iliyopitiwa na gharama zake ni  miradi ya serikali kuu milioni 890,499,500.00, halmashauri iligharamia 165,419,617.52.Jitihada za Jamii/nguvu za Wananchi Shilingi 3,334,000.00,wahisani waligharamia kiasi cha shilingi milioni 709,714,562.00 jumla ya fedha yote ni milioni 1,768,967,679.52. Mwenge unaendelea na mbio zake katika Wilaya ya Mlele. 

Kauli mbiu ya Mwenge wa Uhuru Mwaka huu “Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu.”

MWISHO.

.Mkuu wa Division ya Utawala na Rasimali watu Bi.Habiba Mtunguja  akitoa taarifa ya Maandalizi ya Uchaguzi wa Serikali za Mitaa,  jinsi wananchi walivyoelimishwa na kuhamaishwa ili kushiriki uchaguzi huo unaotarajiwa kufanyika Novemba 27  mwaka huo, taarifa ilikuwa ikitolewa kwa Kiongozi wa Mbio za Mwenge wa Uhuru Kitaifa  Ndugu Godfrey Mnzava alipotembelea na kukagua banda la uchaguzi hilo wakati wa mbio za mwenge wa uhuru Halmashauri ya Wilaya ya Mlele.

Mmoja wa wakimbiza  Mwenge Kitaifa akisalimiana na Viongozi wa Halmashauri ya wilaya ya Mlele  ambaye ni mkurugenzi Mtendaji wa Halmashauri ya wilaya Bi.Sigilinda Mdemu baada ya kuwasili kwa Mwenge wa Uhuru  katika kijiji cha Masigo kuanza mbio zake Halmashauri ya Wilaya ya Mlele.

Mkurugenzi wa Halmashauri ya Wilaya ya Mlele Sigilinda Mdemu akisalimiana  Mkurugenzi  Mtendaji wa Halmashauri ya  Wilaya ya Mpimbwe Shamim Mwaliko katika eneo la mapokezi kijiji cha Masigo  baada ya kumkabidhi Mwenge wa Uhuru na kuanza kukimbizwa katika Halmashauri hiyo..

Picha Zote na Kitengo cha Mawasiliano Halmsahauri ya Wilaya ya Mlele